admin

因為想係生妹妹前搬屋，所以上個禮拜開始睇屋。本來念住係頭找番d舊屋，但爸爸又好想睇下新屋。唔打唔撞去左 South Riding，個到個community好靚，但因為交通唔方便，所以我地好猶疑。跟住爸爸話去 Ashburn 睇下，始終對個邊唔熟，我本來都唔係好有意思，但後來都去左，睇左幾間二手屋後，我地蕩左去個新樓盤，一入到個model house，我三個只會講一個字 —WOW。間屋大到無輪，一入去個 Bar已經係個廳，個廚房大到無人信，每間房都有 full bath，個仔同個女間房中間有間playroom。軒軒一入到去就話：This is good. 個女既 closet，係可以坐係到試鞋。Basement除左有home theater，仲有個bar 同 pool table，直成成個pub禁。旁邊仲有間睡房，有自己一個廳同廁所。我以為係客房，爸爸話應該係工人房，間屋豪到無人信。好彩 d sale無跟黎，如果唔係就會見到三個大鄉理。我念乜人會住係d禁大既地方(成四千幾尺)呢？如果得幾丁人住禁大地方會唔會好過份呢? 不過話轉頭黎，我都好羨慕。我同爸爸講，我好虛榮架，係妹妹十二歲生日一定要搬入禁大間屋，不過到時要請兩三個工人先得。哈哈!!

經過半年係唔 “吹谷” 政策下，軒軒終於識去廁所啦!! 之前佢係屋企唔著褲仔，要叫佢去廁所先去。 又唔知要到知道去到一定有，但佢都一定要係片片辦大事。兩個禮拜前 Ms Joan 話要等佢識話要去廁所先算解片成功。自星期二開始同軒軒整係著長褲(無 underpant)，佢開始肯係廁所辦大事，小事就到忍唔到就出聲話要去。連續幾日佢都識去廁所辦大事，於是星期四同佢著埋underpant。不過佢唔記得underpant唔係片片，大小都係underpant攪掂，個日佢比我鬧到七彩，夜晚我念起都覺得佢好可憐。到左星期五，我無比underpant佢，著返片片，佢識同我地講要potty，完全無意外。尋日同今日返學都無片片啦。YEAH!!!!!!!!!!

尋日無野做，我地去睇屋。去到睇，間屋無乜野，不過我唔鐘意d房太細，軒軒又話睇d到睇個到，睇完上car，軒軒突然話：哥哥呢 ？我同爸爸你眼望我眼，爸爸跟住問個哥哥點樣架? 軒軒又唔答。佢無喊，個樣又無乜野。唔通佢真係睇到？爸爸就話唔係，只不過佢以為自己去左 Andrew屋企。

尋日睇番軒軒d幾年halloween 既相，隻豬大左好多，無左baby face啦。

Weekend 係 Crate and Barrell 發現左有砂煲買，個樣唔似傳統既，即刻買左個，第晚煮左豉汁排骨飯。第一次煮，我覺得唔係好野味，但兩仔爺食到lam lam ，食完先記得唔記得影相。下次一定要影呀。仲有上個星期買左個 steamer，真係好好用，蒸蛋蒸餃子蒸點心，真係好正!

上星期三軒軒去完 field trip後，夜晚個人慶慶地，要食完退燒藥先訓。星期四比佢唔駛返學，係屋企透下，成日佢重跑跑跳跳。點知夜晚訓訓下，摸到隻豬好慶，要叫醒佢起身食藥。星期六重勁流鼻水同咳咳，夜晚訓覺咳唔停，於是爸爸十一點幾去 harris teeter買藥，總算止到咳，但我成晚都擔心佢，訓得唔好。星期日起身重勁咳，軒軒喊住話喉嚨痛，好陰公呀! 好彩夜晚佢開始好啦。我同軒軒講：你病完就到我病啦。今日軒軒好得七七八八，重有鼻水，但我尋晚發冷，今朝起身重骨痛，希望快d好番。

前晚同軒軒落basement睇完電視，上樓時拖住佢，發現佢一次左一次右禁上，我立刻叫爸爸睇，我地好開心呀!!其實人類好神奇，三年前佢仲係一舊粉團，又乜都唔識到識行識走識講。未有細佬前覺得學行走講係好正常，無乜特別。但睇住軒軒學野個種驚人既速度，同毅力係大人已經失去。有時我覺得應該向軒軒學習下做人既態度。

Halloween 就快到啦，今年我地全家會扮……. 上個禮拜買左個大pumpkin，再加既個BB pumpkins。軒軒一返屋企就見到，佢話大個個係爸爸，細既係仔仔，禁媽咪去左邊呢？

今年本來想買盒無黃月餅等軒軒可以食，但係一睇ingredients，原來有花生油，軒軒唔食得，唯有買番雙黃白蓮蓉，等隻豬訓左先食。 一路都心心不憤軒軒無得食月餅，今日靈機一觸 – 可以整豬仔餅。我超愛豬仔餅，但係真係好多年無得食。於是想網找 receipe，黃天不付有心人，比我找到。不過要先做糖漿，放一個禮拜先可以做餅。今日製左糖漿，下個星期二可以整啦!! YEAH!!

今朝軒軒仍然話唔返學，但已好轉啦。佢係car到唱歌仔，返到學校肯自己落car，自己行埋 Ms Ellen到，有小小扁咀，但都已經好左好多。