事件

老豆係一個月前既今日做手術，但係估唔到一個月後既今日已經唔同曬，睇黎而家好似好平靜，但係個心重係有d野。你話悲傷又唔係，但係係好重好重。生活已經回復正常，以為可以過番以前既生活，但係原來都係未得。如果老豆無走到，我諗佢而家會同阿媽飲近茶同係屋企賭近馬，雖然唔可以行得遠但係都會落街行下，周圍打電話同人吹水，同阿媽講電話時會因為老豆番黎而收線，我依然會唔打電話比佢，但係當佢接電話時，我會叫軒軒同佢講下。但係而無家無啦，以後都唔會。 點解我而家寫近個blog仲喊既?我應該對佢無乜感情，但係點解個心都係好悶好悶。

2007 2009

This was my first time to vote. The process was simple and fast. When I was lining up, the lady told us we have the Continue Reading

d既個星期都係allegy中渡過，只係咳，但係係第一次係fall 有allegy。但係尋晚開始我開始d mucus 變綠同結，唔知係唔係virus，今朝把聲變晒，一陣睇醫生。 照左x-ray啦，原來我有nasal infection，要食兩個星期anti-biotic。

Oh my god!! I can’t believe myself. I created two flower beds in the front and side yards. It is a big and new job Continue Reading

上星期六一家人同契爺契媽去去cayman islands旅行，個到水清沙幼，清到連魚都見到，軒軒仲玩得好開心。本來打算今個星期六先返，但係星期一聽到有個風會到，咁我地疊埋心水買晒零食係酒店過，星期二朝早我地仲去玩海龜，點知夜晚返到酒店收到通知希望所有旅客星期三下午之前好飛走，因為預料個風會係星期三六點到，有可能正面吹襲(但係又唔肯定)，我地開會決定走唔走，爸爸即刻打電話問有無機票，有但係要加US$600一個人，好貴啊，但係我係到唸如果真係打正，個到可能會停電兼水沉，決糧決水米死，軒軒咁細邊得架，跟住我決定要走，契爺契媽地仲係到傾近時，爸爸就即刻定，但點知佢定左星期三夜晚十點機，如果真係打到黎，點走得切。契爺契媽後來都決定走，佢地買左朝頭早八點機，我老公比我鬧到狗血淋頭，佢即刻買返八點，其實佢之前睇到八點班機，但嫌太早 (救命呀，緊係越早走越好)。點知凌晨一點收到EMAIL話除消左我地朝早個BOOKING係因為我地DOUBLE BOOK，嚇到我兩個死，即刻打電話去改，我地係CELL PHONE　打LONG DISTANCE CALL，DROP左三次，心急到死，最後改到，但要自己再打去航空公司CONFIRM，第二朝我地六點去機場睇下上唔上到機，機場又多人又侷又熱，原來機場停電，我地排左兩個鐘頭埋到COUNTER，好彩我地可以上機，上到機個空姐話Ｄ班係EVACUATION FLIGHT, 所以無其他野飲供應，個刻好慶幸我地一家都走得甩，但係又覺得好慘要坐EVACUATION FLIGHT，返到邁阿密我即刻鬆曬，因為都算到返到美國，有乜事都可以搾車返屋企。今朝知道個風吹正，好彩走得甩。

好開心，我個best friend 結婚啦!! 我希望佢一世同老公開開心心恩恩愛愛。

軒軒今日第一次睇牙醫，其實一個星期前已開始 prep佢，不過佢都有d驚，仲唔想去 dentist到。今日爸爸同我陪佢去，我叫爸爸放底我地先去泊車，軒軒即刻好緊張問爸爸去邊。上到個dentist到佢跟住我無離開過，後來爸爸黎到佢先好d。個medical assistant出黎同佢傾計，帶佢入房，佢push爸爸發脾氣，個 dentist同佢傾計，叫佢選movie(張上邊有個電視可以放movie,一邊洗牙，一邊有電視睇)，隻豬都唔知想睇乜(大緊張)，我地話佢鐘意 thomas，個 dentist叫個 assistant去找，我地後來見到有cars，軒軒開始 relax，佢猛叫個dentist快play，佢跟住自己擒上張坐好，牙醫叫佢張開個口，軒軒就張開個口，好聽話，重開始同個 assistant講套戲既劇情(佢睇左百幾次)，個 dentist 整到佢同佢講：Sorry baby.軒軒好快答：I am not baby. I am Zachary。笑死我地兩個啦!!之後佢都好合作，醫生同個 assistant都話佢乖。Dentist同個照左 x-ray。我第一次見到d permanent teeth，全部係晒d baby teeth Continue Reading

媽咪爸爸今日帶我去左 Sully Historic Site 拾蛋蛋，我拾左six，有餅餅食，有 color, 有 sheep 同 rabbit, 重有 spoon打蛋蛋。It’s so much fun.

又好想同軒軒影d大頭相，本來打算放大擺係房，但今次都影得唔係好合心意，下次再勞力。

前晚爸爸話比軒軒聽要出 trip，要佢好好照顧bb同我，佢聽到後即刻唔開心，見到乜都話唔鐘意。 佢指住件衫話：我唔鐘意佢。 佢指住張被話：我唔鐘意。 佢指主本書話：我唔鐘意。 我話聽日出教堂，佢話：唔鐘意 我話食 bear bear (vitamin)，佢話：唔鐘意 跟住扁晒咀，攪到爸爸都眼濕濕，唔捨得佢。

好耐無同 bb影相，尋日叫埋阿仔同bb影，真係難到高。

我型唔型呀？好期待summer快d黎。

軒軒係惡霸黎架!! d幾晚訓訓下發脾氣，亂蹋人，又係人地耳邊大叫，所有野都係睡夢中做，攪到我無覺好訓，好累呀!!

星期日開始爸爸開始砌聖誕樹，令我念起之前幾個聖誕。記得第一年軒軒仲係我個肚，爸爸話要 set up 聖誕樹，阿媽同我都話唔好，因為bb出世後會無時間會收，但爸爸話要砌，因為想軒軒返到屋企睇到聖誕樹。軒軒雖然當時好細，但佢對眼仔係禁望住d閃閃既燈，當時仲未識郁手手腳腳。到左第二年，軒軒識爬啦，但佢都係得個望字。到第三年，軒軒識行啦，佢無幫手不得止，仲係到攪亂檔，我地掛，佢就’猛’，我地要等佢訓左先再砌。第二朝佢起身見到樹樹，剝大個口’ah’左一聲，佢個樣好可愛。今年佢開始識幫手啦，問爸爸佢可唔可以掛樹樹，雖然有少少攪亂檔，但都幫到忙。佢一見到樹樹，就話係’聖誕禮物’，我話係聖誕樹呀，佢話唔係，係’聖誕禮物’。今年佢不單止識講，仲識駁咀。

因為想係生妹妹前搬屋，所以上個禮拜開始睇屋。本來念住係頭找番d舊屋，但爸爸又好想睇下新屋。唔打唔撞去左 South Riding，個到個community好靚，但因為交通唔方便，所以我地好猶疑。跟住爸爸話去 Ashburn 睇下，始終對個邊唔熟，我本來都唔係好有意思，但後來都去左，睇左幾間二手屋後，我地蕩左去個新樓盤，一入到個model house，我三個只會講一個字 —WOW。間屋大到無輪，一入去個 Bar已經係個廳，個廚房大到無人信，每間房都有 full bath，個仔同個女間房中間有間playroom。軒軒一入到去就話：This is good. 個女既 closet，係可以坐係到試鞋。Basement除左有home theater，仲有個bar 同 pool table，直成成個pub禁。旁邊仲有間睡房，有自己一個廳同廁所。我以為係客房，爸爸話應該係工人房，間屋豪到無人信。好彩 d sale無跟黎，如果唔係就會見到三個大鄉理。我念乜人會住係d禁大既地方(成四千幾尺)呢？如果得幾丁人住禁大地方會唔會好過份呢? 不過話轉頭黎，我都好羨慕。我同爸爸講，我好虛榮架，係妹妹十二歲生日一定要搬入禁大間屋，不過到時要請兩三個工人先得。哈哈!!

經過半年係唔 “吹谷” 政策下，軒軒終於識去廁所啦!! 之前佢係屋企唔著褲仔，要叫佢去廁所先去。 又唔知要到知道去到一定有，但佢都一定要係片片辦大事。兩個禮拜前 Ms Joan 話要等佢識話要去廁所先算解片成功。自星期二開始同軒軒整係著長褲(無 underpant)，佢開始肯係廁所辦大事，小事就到忍唔到就出聲話要去。連續幾日佢都識去廁所辦大事，於是星期四同佢著埋underpant。不過佢唔記得underpant唔係片片，大小都係underpant攪掂，個日佢比我鬧到七彩，夜晚我念起都覺得佢好可憐。到左星期五，我無比underpant佢，著返片片，佢識同我地講要potty，完全無意外。尋日同今日返學都無片片啦。YEAH!!!!!!!!!!

尋日無野做，我地去睇屋。去到睇，間屋無乜野，不過我唔鐘意d房太細，軒軒又話睇d到睇個到，睇完上car，軒軒突然話：哥哥呢 ？我同爸爸你眼望我眼，爸爸跟住問個哥哥點樣架? 軒軒又唔答。佢無喊，個樣又無乜野。唔通佢真係睇到？爸爸就話唔係，只不過佢以為自己去左 Andrew屋企。