星期日開始爸爸開始砌聖誕樹，令我念起之前幾個聖誕。記得第一年軒軒仲係我個肚，爸爸話要 set up 聖誕樹，阿媽同我都話唔好，因為bb出世後會無時間會收，但爸爸話要砌，因為想軒軒返到屋企睇到聖誕樹。軒軒雖然當時好細，但佢對眼仔係禁望住d閃閃既燈，當時仲未識郁手手腳腳。到左第二年，軒軒識爬啦，但佢都係得個望字。到第三年，軒軒識行啦，佢無幫手不得止，仲係到攪亂檔，我地掛，佢就’猛’，我地要等佢訓左先再砌。第二朝佢起身見到樹樹，剝大個口’ah’左一聲，佢個樣好可愛。今年佢開始識幫手啦，問爸爸佢可唔可以掛樹樹，雖然有少少攪亂檔，但都幫到忙。佢一見到樹樹，就話係’聖誕禮物’，我話係聖誕樹呀，佢話唔係，係’聖誕禮物’。今年佢不單止識講，仲識駁咀。