自軒軒識講野後，身邊好多人都話佢好聰明。我覺得好多時人地真係講d好聽既說話，無乜上心。但係上個星期同軒軒既先生傾過後，我開始念軒軒會唔會係資優，一方面好想佢係，但另一方面又我係好唔想去念，因為如過係，我唔知點應付。Ms. Joan話軒軒同佢個大仔好似，係學校先生唔鐘意佢個仔，因為太活躍，軒軒又係成日唔停。你同佢講野有時唔理你(如過佢被第d野吸引住)，但如果佢理你，佢會全心去聽你講野，如果係個時教佢野，佢睇一次就識。Ms Joan 話佢個仔後黎驗出係資優，係軒軒身上睇到佢個仔既影子。