感想

原來已經三個月啦，廿一號都過左三日，無傷心，無喊啦!!有時都會想起老豆，但諗得最多係我煮野食時，我會諗下老豆有無煮過我煮過個ｄ。煮ｄ古老野時，又會諗下佢有無煮過。

尋日老豆走左兩個月啦，心情…平服左，但係當靜落黎既時候都仍然有感嘆，會有一兩滴眼淚。早幾日係伯父既生日，我諗起以前自己好任性，因為想爸爸陪，唔比佢返去同婆婆慶祝生日，十年前佢婆婆去左，我都無好大既感覺，直到老豆既事，我先感受到要珍惜老人家每個生日，因為好多野會可能發生。有d人有d事可能係心目中好似唔重要，但失去後先知原來佢係心中都有地位。前日軒軒同我講又要畫張畫比公公，叫我寄比Jacky舅父燒比公公，其實軒軒同公公因為我既關係無乜接觸，返而佢會記得公公，仲有心想送野比佢，真係自愧不如。

點解仲唔放手?係唔係真係激死阿媽先開心呀?過左去就過左去，當初唔想解剖就係因為唔想件事再拖落去，以為上左山所以事都過去，但係唔係，放手啦！！唔好再追究，唔會有結果架，無為係無結果下糾纏，諗下將來點啦！！

Have been back to the States for 5 days already. Still have jetlag. I woke up at 3:12 am this morning, but couldn’t go back Continue Reading

I’ve been taking antibiotics for a week already. However it doesn’t help to relief my sickness at all. Starting from Friday, I have had facial Continue Reading

軒軒由bb到而家個樣變左好多，細個時個面肥嘟嘟，而家成個男仔啦。仲有佢一歲時既眼神好innocent，大大下隻眼變得長左眼神無咁innocent。 一歲 兩歲 三歲 就黎四歲

四川地震，我每日睇新聞都哭過不停。自有軒軒之後，明白生命好重要但脆弱，見到新聞入面既父母失去兒女，或者小朋友失去父母，我都會為佢地流淚，d眼淚係不其然流下。我印象最甚刻係見到一個三歲既女仔，佢話：爸爸不見了，媽媽死啦。個小朋友同我個仔一樣大，佢真係好慘。個刻我真係好想衝埋個電視到抱佢，錫下佢。另外有個四個月大既bb，被發現時仍然含住媽咪奶奶，媽媽死啦，臨死都緊緊保護住個bb。另外又有另一個媽咪為左保護bb而死，佢留左個text message話：「親愛的寶貝，如果你能活，一定要記住我愛你。」點解個天要另到d無辜既人受苦，一個天災人禍，領到好多人家散人亡，要流漓失所，究竟幾時先停呢？

今日係車到見到隻蚊，佢係我面前飛黎飛去，我怕佢針軒軒，所以好想捉佢，但係又緊車，所以要等停車先可以拍死佢。軒軒問我乜事，我話要等停紅綠燈先可以拍蚊。每次差唔多到一個燈，我都問軒軒隻蚊係邊，念住等黎緊個紅燈就拍死佢，點知一路都錄燈，軒軒好緊張一路話比我知隻蚊係邊一路等燈。後來見到個紅燈，軒軒好開心話Stop stop，跟住我話隻蚊係邊，佢話係mirror到，我地兩個好緊張念住就黎可以停，點知埋到去突然變左錄燈，軒軒同我一切話：哎呀!個個情形真係好好笑。I play silly, HH is happy. 原來人可以因為禁簡單既事會笑會開心。尤其係小朋友，思想簡單，好容易就開心大笑。我真係好羨慕，所以我而家學緊軒軒，做一個快樂人。

仲有十六日就 settle啦，係過去一個月，我忙於執而家間屋。整水喉，油漆油，整好front yard (簡直係大工程)，連我自己都唔信自己會攪得掂(除左生仔，次係第二次我覺得自己勁)。d兩個禮拜又忙於攪新屋既野，真係好累。不過就黎有新屋住都底番。希望間屋快d租出，新屋快d整好，禁就好啦!

身邊有個小朋友，佢夢想成為足球員，但佢媽咪極為反對，認為佢不實際，而且做足球員不賺錢。其實佢只不過係小朋友，夢想好以成日變，而且無人可以擔保佢日後唔可以成為足球員。過程可能好辛苦(其實有乜唔辛苦)，但如果佢做到，就好以成為人上人。其實我細個都有夢想，做一個舞蹈家，但阿媽強烈反對，重成日講佢朋友個朋友係舞蹈家，辛苦練完返屋企見到老公有外遇，自己跳舞又無錢，好可憐，又話老左唔跳得就慘。一輪轟炸後，我為有放棄。後來想過做先生，阿媽又話我懶偉大，比學生玩死。自此之後我再唔敢提我理想/夢想。到大學時，我曾經念過自己想點。Accounting 唔係我好想做，不過叫做自己讀到，而阿媽唔會反對，但有時覺得自己無人生目標。而家問我自己既理想夢想係乜，我真係唔知，但我好肯定希望軒軒能夠有自己既理想夢想。佢會為自己既理想夢想計劃，去達到目標。其實我覺得父母覺得無可能(或唔賺錢)既野，唔係一定對，因為時代會變同埋我地既眼界唔會夠我地仔女廣。係 dance class入面，我學到除做dancer仲可以做choreographer，就算老左唔跳得都有好多關於dance既行業。三十年前如果話讀computer，個個都會話你傻。因此好多認為無可能既野係有可能。而且幾多錢係夠生活？每個人都有唔同既標準，最緊要係個心覺唔覺得滿足，滿足個人就會開心，人生就會精彩。所以我真係希望軒軒能夠做自己鐘意既事，有開心既人生。

尋日同婆婆將帶轉碟，心血來朝轉埋爸收埋係樓上既帶，而家睇近我地wedding。睇番原來係六年前既事，好多感受。我真係好好好多謝我地既朋友，佢地義無反顧禁幫我地，讓整個婚禮過程好 smooth，尤其係我兩個伴娘，佢地當我好似公主禁照顧(而家太多太多佢地照顧我既事浮現係我個腦)，真係只有生死之交先會禁做。Carol我識左廿六年，Teresa識左十四年，唔覺唔覺真係好耐。人話人生得一知己死而無憾，我真係好好彩有兩個。 另外係我婚禮中最開心既係一家人又走埋一切，我好難得見到大佬同阿嫂，黎左美國後，一路都無機會見阿哥，結婚時先再見，但係婚後再無見，間中只有email來往，阿嫂有黎過我 graduation，結婚後又係再無見，再走埋一切真係好難好難。

早前係朋友既 blog睇道佢有個朋友生 cancer，都無乜為意係乜事。直到上幾個星期，佢係個blog中提到一個我聽過既名字，而 d 個人因病而瘦，這番話另我聯想到兩件事係有關連。於是爸爸醒後，我話比佢知佢小時候既一個朋友可能病左，當時爸爸個樣好驚訝。唔夠幾日，佢confirm真有其事。點知去完 Paris後，得知佢個朋友已經魂歸天國。雖然我只係見過佢兩次面，但都有d難過。希望佢響天國到得到主既保祐!!

自軒軒識講野後，身邊好多人都話佢好聰明。我覺得好多時人地真係講d好聽既說話，無乜上心。但係上個星期同軒軒既先生傾過後，我開始念軒軒會唔會係資優，一方面好想佢係，但另一方面又我係好唔想去念，因為如過係，我唔知點應付。Ms. Joan話軒軒同佢個大仔好似，係學校先生唔鐘意佢個仔，因為太活躍，軒軒又係成日唔停。你同佢講野有時唔理你(如過佢被第d野吸引住)，但如果佢理你，佢會全心去聽你講野，如果係個時教佢野，佢睇一次就識。Ms Joan 話佢個仔後黎驗出係資優，係軒軒身上睇到佢個仔既影子。

念起好好笑，我念係公司見到我到驚。剛畢業出來第一份工係Andersen做，一年後比 Enron整死左。好啦而家到Etrade有事，3 billion 既 portfolio 比人用 8 million 買，真係慘!! 我會唔會變左公司鬼見愁？？

自從做左媽咪後，我經過幾個人生交叉點。近排我又失眠，訓得著，但三四點起身，眼光光，要睇一兩個鐘電視先訓得番。爸爸話我又有心事，係啊，我有野念唔通。軒軒開始大個，有佢自己既睇法，會堅持己見，跟我駁咀。我呢，脾氣唔好，又無耐性，只要軒軒一發脾氣，我又控制唔到，發埋一份。有時睇見佢好慘，被我鬧到狗血淋頭。我知自己其實係壞榜樣，軒軒會有樣學樣。佢得個三歲人仔，又點會識控制自己。反觀我自己三十幾歲人，應該有自制能力，但偏偏又無。但我既魔鬼同我講，你係人黎架，唔通成日忍，唔好學我阿媽，你應該有自己。但我做得媽媽，應該教好軒軒，佢已經遺傳左我既臭脾氣，我再發脾氣，佢只會更差。究竟人地係點樣做個好媽媽既呢？我真係好想有人教下我。

婆婆終於返黎啦!! 軒軒尋日放學就去左婆婆到。可能經過三個禮拜既torture，我d幾日好累。尋晚一達落床就訓著，爸爸話軒軒去過廁所我都唔知。好耐未試過禁累啦! 爸爸今晚去business retreat，星期日先返。我真係好唔鐘意佢用左我地既family time去做公司事，聽日凈番我同軒軒，weekend 好冷清呀!

今朝收到一個中學同學既 wedding pictures，真係好靚。佢個樣唔同左，其實應該話佢氣質唔同左。佢係我心目中永遠都係中學時個個樣，好清秀有 D 高不可攀(但其實個人傻傻地好善良)。睇而家d相佢個樣變得平易左，無左中學時既稚氣。每次念起佢，我都記得好多中學時既事，當時愛得轟轟烈烈，唔鐘意就唔鐘意，唔理人點睇，想做就做。而家睇個時好幼稚，好唔圓滑，但好配服細時既勇氣，個種敢愛敢恨。我記得中學時有個先生話中學時所發生既事係一生人中最精彩既，我而家好有同感。

第一日返學喊喊，尋日喊少左，Ms Ellen仲話軒軒有禮貌，人前人後都Thank you and please。但係佢把聲開始沙，我以為軒軒因為大喊，所以沙。但Ms Joan話佢無scream，係小喊，我估軒軒係病病啦，佢尋晚好早就訓，但訓得唔好，發開口夢話唔好，聽到我好心痛。今朝同婆婆一切送軒軒到學校，佢喊住要婆婆抱，佢個樣真係好可憐，連婆婆都喊埋，其實我都好想喊，但無喊出黎。人仔細細要面對好多新野，媽咪同婆婆又唔同係身邊，但係仔呀，人要學識面對新事物先會長大，所由對新事物係會驚，但唔駛驚，你應該去面對，驚過後就成功架啦！媽咪會支持你，有乜事同媽咪講，知唔知？而家軒軒係婆婆到，希望婆婆用魔法醫好佢。

軒軒下星期就開學啦! 雖然只係day care, 但我都係當佢返學, 係佢人生另一頁開始. 時間過得好快, 軒軒就已經兩歲八個月大, 好唔捨得佢大

今日睇到有個媽媽為個仔放棄工作，令我感慨萬分。以前工作係我既第一位，我有個好老板，有一份可以學好多野既工，軒軒出世後，我仍然張工作放係第一位，月尾既時候可以忙到係軒軒訓左後先返屋企，家務我唔做，請鐘點做，軒軒有babysitter帶，放工我累了，軒軒由爸爸帶。軒軒要checkup，都係爸爸帶，其實爸爸比我仲忙，不過佢願意為個家付出，但我無，直至舊年九月放完兩日假返工，一開mailbox，二百既個emails，個刻我念點解我要禁辛苦，日日拖住個無靈魂既身體返屋企，飯又唔煮，歲半既軒軒成日要我抱，要我同佢玩，我都係草草應下佢，我覺得好對唔住佢，於是同老板遲職，當時打算今年二月再返工，後來到左軒軒兩歲checkup，我同爸爸講自己要帶軒軒去，打針前姑娘叫我簽字，我當時仲念有乜好簽，一睇之下原來係d liability既野，但最catch my eyes 既係