今日睇到有個媽媽為個仔放棄工作，令我感慨萬分。以前工作係我既第一位，我有個好老板，有一份可以學好多野既工，軒軒出世後，我仍然張工作放係第一位，月尾既時候可以忙到係軒軒訓左後先返屋企，家務我唔做，請鐘點做，軒軒有babysitter帶，放工我累了，軒軒由爸爸帶。軒軒要checkup，都係爸爸帶，其實爸爸比我仲忙，不過佢願意為個家付出，但我無，直至舊年九月放完兩日假返工，一開mailbox，二百既個emails，個刻我念點解我要禁辛苦，日日拖住個無靈魂既身體返屋企，飯又唔煮，歲半既軒軒成日要我抱，要我同佢玩，我都係草草應下佢，我覺得好對唔住佢，於是同老板遲職，當時打算今年二月再返工，後來到左軒軒兩歲checkup，我同爸爸講自己要帶軒軒去，打針前姑娘叫我簽字，我當時仲念有乜好簽，一睇之下原來係d liability既野，但最catch my eyes 既係所有之前既簽名係爸爸，我一個都無，我真係好失敗，我真係只係生左軒軒，但係無放個心落去，真係對唔住佢，於事我決定一定要彌補，而家我每晚都會煮爸爸同軒軒鐘意食既野，同軒軒玩玩具，同佢睇書，同佢頭點頭睇電視，成為軒軒既bb話貼身翻譯，係d八個月入面，我睇到軒軒進步成長左好多，我開始識得 enjoy 同軒軒己時間，我覺得d個決定係對既。我都打算出返黎作做野，不過會以軒軒為第一位，工作會成為興趣。