今日找到一奉係軒軒一歲生日時寫比佢既信，睇番仲有同樣既感想。我真係好慶幸有軒軒呢個仔。
————————————
軒軒，
轉眼間你就一歲，媽咪仲記得舊年發現有左你個日，好興奮但又覺得好似發夢。其實我同爸爸係準備好有你，但無唸住可以甘快。當第一次係sonogram見到你時，我好感動。你個時只有一個一寸大既綿花球甘大，依附係我體內，慢慢長大。係二十個禮拜時，第一次感到你係我肚入面郁動，當你大D時，見到你由左栘到右，由右栘番左，又會踢我，後來你出世後先知個隻係你隻腳腳，係2004年12月25號凌晨三點几，媽媽知到快會見到你，爸爸好緊張，婆婆不段唸經期求我地兩母子平安，三十個鍾後你黎到D個世界，媽媽從來吾鍾意跑步，但我終於跑贏左D場馬拉松，第一次聽到你喊，我就喊了出來，一個小生命係我身體到出來，一個由爸爸同我結合而成既單細包，經過九個月几分烈，變為一個人仔，係我身體到出來。媽媽好開心有你，好多謝你話比媽媽知咩叫開心，好多謝你改變了媽媽對人生既睇法。係D十二個月裡面，爸爸同我睇見你第一次喊，第一次笑，第一次抬頭，第一次坐，第一次出牙仔，第一次爬，第一次企，第一次跌，第一次叫爸爸，第一次叫媽媽，第一次知到比人鬧，你帶比我地好多樂趣，真係好多謝你！！
媽媽好遺憾無爭取去做自己想做既事，我好希望你能夠堅持去追求理想，不要怕失敗，健健康康快快樂樂0甘成長！！
媽媽
12/26/2005