Anna出世啦，好得意呀!! 我真係好恨自己都有個呀!!睇到黃家一家好開心，我都好興奮。其實 bb 仔真係帶比大人有希望，佢會延續希望，只要比愛心同耐心去帶大佢，佢自然會成為一個有用既人，世界係唔係殘酷唔緊要，係在乎個人點睇，我睇爸爸就係好例子。我好希望自己能夠比軒軒有個快樂既人生，我都好希望Anna既爸媽都會，禁世界上會多兩個開心有理想既人。 PS我真係好想有個女。
難忘既事
尋日發生左一件好難忘既事。我陪軒軒訓午覺時，佢省先過我，我米扮訓，睇下軒軒會唔會叫醒我，等下等下，佢真係好乖無叫我，點知突然軒軒好大聲話：臭臭Ban Ban，我就望過去睇下佢，剛剛念住叫軒軒去廁所，點知見到兩舊野係我張床到，軒軒好驚，我立刻叫軒軒去廁所做埋未完既事。我衝入廁所，羅左好多廁紙，禁大個女第一次用手羅走 d ng ng， 跟住我換床單，一路同軒軒講唔洗驚，係accident，係塔塔柯完同媽咪講，佢話重要殊殊，我換完床單，入廁所睇下軒軒，佢竟然係塔塔柯埋ng ng，佢重來唔肯唔著片做大事，不過佢終於踏出第一步，我真係好開心，不停讚係塔塔柯佢乖，我開心到訓唔著，而家好累。