話禁快就十年，我記得十年前回歸個時仲係 UM 讀近 geology。 今朝爸爸睇到回歸煙花個廣告，軒軒聽到就話：十年烏龜煙花
隨便
軒軒今日好叻叻，一年一度既抽血時間到，佢無喊，仲好勇敢望住人地抽佢血，我比佢食雪糕。我畢近雪糕時，軒軒繞住我跑， 軒軒話：我（好唔好）去個邊? 我話：隨便啦！ 軒軒話：薯片?? 我話：我話隨便啦！ 軒軒話：除片??
下個星期的小點
心情唔好，我會想做d 未做過既野食 cheer up 自己。本來整唔同款既紅豆包，但個樣唔見得人，出奇地切出來既邊有d似cinnamon buns。我估隻豬會鐘意甜甜紅豆餡。
今日心情
今日放低軒軒係婆婆屋企後，我又走左去 Hanaruem，今日天氣晴朗，有點涼意，心情應該好好。但唔知點解，個心好似有d重, 無辦法放鬆。可能個心有 d 掛住三仔，又可能成日念起軒軒張針紙，覺得無好好照顧個仔。好彩而家可以陪軒軒，但三仔就….
三仔再見了
今日打電話比媽，知道三仔係香港時間6/20 2pm已經 put her to sleep。我無見佢好多年，記得黎到美國後第一次再堅三仔既相，佢已勁老啦，眼變得浮腫，面變得肥大，不竟佢當時已經十幾歲。記得 1987年6月13日，阿媽用一個膠袋帶米三返黎，佢當時只有大概三個月大，好瘦，黎到我地屋企好驚，阿媽放佢係我個浴缸仔，嫂嫂同我趁媽唔係屋企時放佢出黎玩，佢就里係我房門口張sofa同牆之間，因為夠黑，佢有安全感。慢慢佢開始能夠融入我地既生活，冬天佢會蜷入我床既櫃桶訓，夏天會訓阿媽坐既位，夜晚會訓係我腳中間。有好野就會擔去嫂嫂房。佢有潔癖，食完飯一定舔身，我訓係佢傍邊連我個額頭都舔埋，好舒服架。我好鐘意追佢，佢就會跑佢雪櫃頂，我成日都笑佢同阿爺好熟(阿爺幅相係雪櫃頂)。三仔企係到好斯文，好似著左韓服既少女。佢又鐘意坐係老豆既樹下，蹺埋兩隻手仔，嫂嫂成日話佢收金，我地試過擺兩個龍眼係佢對手到，佢又唔郁係甘托住對龍眼，蕹居居望住我地，笑死我地。記得佢做完絕育手術後，下身唔郁得，但仍堅持去廁所大解，佢係一隻好乖既貓。 初初到美國時，好驚米三會死。貓通常都係十二三年命，不過佢不經不覺陪左我地二十年。佢個腎已係唔好，老了連跳都跳唔起，阿媽話佢已經牛牛豆豆，我已經有心理預備，我有時唸三仔未見過軒軒，唔知軒軒見到佢會點，我會介紹三仔比軒軒知佢係一個陪我長大既朋友，不過 d 個夢唔會發生啦。我以為會無乜事，不過我既眼淚己經流左出黎，好可息我唔可以陪佢走埋最後一程，慶幸佢終於唔洗再挨苦，希望佢能夠安息。
下個禮拜食乜哩？
軒軒下個星期要食d清d既小食，食乜好呢？我想試係整南瓜糕。不過如果爸爸聽日要返工，我就無時間整。
Stomach Virus
軒軒今日睇左醫生，醫生話佢係 stomach virus，近排好多小朋友都有，隻豬今日好精神，係車到重大聲唱別怪他。真係好啦!!
倒霉的一個禮拜
我既眉已經好番，胃唔再痛，但係軒軒突然病。今朝仲好好地，點知兩點幾婆婆打電話黎話軒軒訓醒晏覺嘔左兩次，早餐同午飯出晒黎，我直刻飛去接仔。去到見到軒軒係到喊，佢嘔到週圍都係，好驚。婆婆床單pillow都烏糟晒，軒軒換左兩次衫，我抱起佢佢又再嘔，已經係無野好嘔，我等軒軒舒服 d 先帶佢返屋企，中間佢都嘔左三此，兩個鐘後佢開始同人講番耶，我地先走。返到屋企，佢要奶奶，仔，嘔完唔好飲奶，我比小小水佢，唔夠十分鐘又嘔，佢嘔完猛話要奶奶，等左一個鐘後，我比粥水佢食，佢食得好好味，每十五分鐘比兩匙粥水佢食，慢慢佢開此好小小無再嘔，不過唔係好郁，爸爸返黎後比 cars佢睇，佢開始精神 d，買廣告仲識跳舞，不過佢有 d 慶，我知佢今晚會發燒，d個仔好挨得，病都會走黎走去，其實我擔心，但爸爸話齋放鬆，唔好太擔心，我都放鬆左，不過今晚會睇住佢，聽日會睇醫生，希望佢快d好番。
禍不單行之蛋蛋人
真係禍不單行，剛剛 dum軒軒訓覺，同佢傾計時，佢起身話跟住訓返低，佢個鐵頭一野撼到我眉尾，我眼水都標埋，即刻起左隻蛋，而家用冰敷近，好似細左 d ， d個禮拜真係黑仔。
禍不單行之胃痛
我好慘呀，醫生話可能係 food poisoning or virus。 星期六係朋友屋企食左 seafood， 星期日朝六點幾起身同爸爸煮左公仔麵，跟住九點幾食左麻麻係香港寄黎既栗子(睇落似日本貨，但原來係大陸做)，十點鐘好累米訓翻，翻低無幾奈開始覺得成個人收緊，有 d 呼吸困難，十二點開始畫胃痛，係突然好痛，on and off 成日，好似陣痛，夜晚個人好弱，唔想郁。但係無屙無嘔，個胃好悶。尋日好 d ，仲有胃痛，不過無禁痛，醫生推過我個肚，佢話 organ 無事，可能係 food poisoning or virus，佢推過我個肚後，我開始肚屙，今日仲有，希望好返。
我越黎越鐘意小柏啦
我 d 兩日找到兩個小柏既websites，入面有好多小柏既相同video，佢真係好鬼型仔，四十歲仲跳得，事業有有成，真係軒軒話：正。 hey 我發現自己有戀哥狂，點解我老公，鐘意既明星都有我大佬既影子。
去廁所同訓覺覺豬
去廁所 婆婆有一日軒軒玩近時突然話： 哎也，唔記得去廁所添! 笑死婆婆啦! 訓覺覺豬 有一日公公睇住報紙打喊勞，軒軒即刻話： 公公要訓覺覺豬啦!
好頭痛
尋日開始頭痛，以為訓省會好d ，不過而家仲痛，又唔係好痛，又唔想食藥，唉!
終於有中文啦
多謝爸爸幫我裝番中文，終於可以寫 blog啦! 過去一個星期軒軒病左，睇見佢好慘，又咳又流鼻鼻，真係寧願我病，隻豬反而唔覺辛苦，仲跳跳貢，爸爸叫我唔好諗佢辛苦，跟本佢都唔覺辛苦，又係岩。
幣!軒軒識駁嘴
婆婆話軒軒識駁嘴，佢無唸過一個兩歲半識駁而且又有文有路。 軒軒而家train近便便，婆婆用鬧鐘叫隻豬去便便。 婆婆話：仔仔係時候去小便啦 軒軒話：唔好去啦，無小便呀 婆婆話：但係你應該有得去羅和 軒軒指住個鐘話：都未夠鐘(個鐘未響)
有粽食
爸爸好鐘意食粽，舊年我已經話整，但都無時間，今年有啦，琴日整左冬菇臘腸粽，本來軒軒話要奶奶，比佢食粽粽後，簡直停唔到口，爸爸都食左兩隻，我又好開心。哈哈!!
午餐肉饅頭
因為軒軒唔食得蛋，自製左午餐肉饅頭，隻豬好鐘意食，我好開心。
Hin Hin and I are sick
We wasted our memorial day weekend. Both Hin Hin and I were sick. Actually the little guy started runny nose two weeks ago. He got Continue Reading