感想

剛剛睇完十四歲媽媽，由第一集後半開始一路喊到尾，好彩只係十一集，如過多幾集，我一定喊到盲。連我個唔係好睇電視既老公都話套戲寫得好細緻，真係值得睇。d套戲有幾樣野我地同好有同感： 未希係為左見孩子一面而唔去墮胎 – 雖然我同未希唔同，但當我有左軒軒時，成日都幻想軒軒係點樣，成日都好想快d見到佢。 有一幕未希摸住個肚講：媽媽既生命係因孩子既生命而來 – 我覺得有左軒軒我自己既生存係為佢而生，孩子係我既生命，決一不可。 另一幕未希話有左孩子有了家既感覺 –

Anna出世啦，好得意呀!! 我真係好恨自己都有個呀!!睇到黃家一家好開心，我都好興奮。其實 bb 仔真係帶比大人有希望，佢會延續希望，只要比愛心同耐心去帶大佢，佢自然會成為一個有用既人，世界係唔係殘酷唔緊要，係在乎個人點睇，我睇爸爸就係好例子。我好希望自己能夠比軒軒有個快樂既人生，我都好希望Anna既爸媽都會，禁世界上會多兩個開心有理想既人。 PS我真係好想有個女。

今日放低軒軒係婆婆屋企後，我又走左去 Hanaruem，今日天氣晴朗，有點涼意，心情應該好好。但唔知點解，個心好似有d重, 無辦法放鬆。可能個心有 d 掛住三仔，又可能成日念起軒軒張針紙，覺得無好好照顧個仔。好彩而家可以陪軒軒，但三仔就….

今日打電話比媽，知道三仔係香港時間6/20 2pm已經 put her to sleep。我無見佢好多年，記得黎到美國後第一次再堅三仔既相，佢已勁老啦，眼變得浮腫，面變得肥大，不竟佢當時已經十幾歲。記得 1987年6月13日，阿媽用一個膠袋帶米三返黎，佢當時只有大概三個月大，好瘦，黎到我地屋企好驚，阿媽放佢係我個浴缸仔，嫂嫂同我趁媽唔係屋企時放佢出黎玩，佢就里係我房門口張sofa同牆之間，因為夠黑，佢有安全感。慢慢佢開始能夠融入我地既生活，冬天佢會蜷入我床既櫃桶訓，夏天會訓阿媽坐既位，夜晚會訓係我腳中間。有好野就會擔去嫂嫂房。佢有潔癖，食完飯一定舔身，我訓係佢傍邊連我個額頭都舔埋，好舒服架。我好鐘意追佢，佢就會跑佢雪櫃頂，我成日都笑佢同阿爺好熟(阿爺幅相係雪櫃頂)。三仔企係到好斯文，好似著左韓服既少女。佢又鐘意坐係老豆既樹下，蹺埋兩隻手仔，嫂嫂成日話佢收金，我地試過擺兩個龍眼係佢對手到，佢又唔郁係甘托住對龍眼，蕹居居望住我地，笑死我地。記得佢做完絕育手術後，下身唔郁得，但仍堅持去廁所大解，佢係一隻好乖既貓。 初初到美國時，好驚米三會死。貓通常都係十二三年命，不過佢不經不覺陪左我地二十年。佢個腎已係唔好，老了連跳都跳唔起，阿媽話佢已經牛牛豆豆，我已經有心理預備，我有時唸三仔未見過軒軒，唔知軒軒見到佢會點，我會介紹三仔比軒軒知佢係一個陪我長大既朋友，不過 d 個夢唔會發生啦。我以為會無乜事，不過我既眼淚己經流左出黎，好可息我唔可以陪佢走埋最後一程，慶幸佢終於唔洗再挨苦，希望佢能夠安息。

我 d 兩日找到兩個小柏既websites，入面有好多小柏既相同video，佢真係好鬼型仔，四十歲仲跳得，事業有有成，真係軒軒話：正。 hey 我發現自己有戀哥狂，點解我老公，鐘意既明星都有我大佬既影子。

多謝爸爸幫我裝番中文，終於可以寫 blog啦! 過去一個星期軒軒病左，睇見佢好慘，又咳又流鼻鼻，真係寧願我病，隻豬反而唔覺辛苦，仲跳跳貢，爸爸叫我唔好諗佢辛苦，跟本佢都唔覺辛苦，又係岩。

廷媽終於post左美人晚點名，我一路睇一路喊，爸爸打電話比我時仲以為我吾舒服。一個未夠一歲既小朋友受苦，真係睇見都心痛。宇廷受既苦我念我自己都吾能夠挨得到。佢真係好叻！！生命得來不易，真係要好好珍惜。

今日找到一奉係軒軒一歲生日時寫比佢既信，睇番仲有同樣既感想。我真係好慶幸有軒軒呢個仔。 ———————————— 軒軒， 轉眼間你就一歲，媽咪仲記得舊年發現有左你個日，好興奮但又覺得好似發夢。其實我同爸爸係準備好有你，但無唸住可以甘快。當第一次係sonogram見到你時，我好感動。你個時只有一個一寸大既綿花球甘大，依附係我體內，慢慢長大。係二十個禮拜時，第一次感到你係我肚入面郁動，

今日送軒軒到婆婆屋企後，我跑左去HanNaReum，今日天氣晴朗，太陽射落黎既感覺好好。執好下個星期既菜後，獨自食左餐lunch，個種感覺好relax，以前返工時跟本無時間同心情去享受。返屋企後，煎左青橙椒肉餅比軒軒下個星期既菜，D個菜係自創，希望大少鍾意。其實我真係好鍾意煮野食，但成日無信心煮比人地食，為有比我屋企兩個吾識食企人食啦。

尋日掘走棵樹，今日背脊同手臂痛死啦！！一舊麵糰癱係到。

今日去Hershey探Chris一家，但軒軒D几日流鼻鼻，希望佢會好番啦！

每日我一定會睇廷媽既blog。我睇到佢每一句想念宇廷既話我道會喊。宇廷既事令我覺得天主對我真係好，無驚無險生左軒軒落黎，四肢健全,快樂活潑，生命係得來不易，一定要珍惜。